Blodau Gwyllt

Dolydd a Bwystfilod Bach

Pryfed

Cronfeydd dŵr eiconaidd Caerdydd

Dolydd a Bwystfilod Bach

Planhigion

Mae blodau gwyllt yn llewyrchu yng Nghronfeydd Ddŵr Llys-faen a Llanisien, fel yr oedden nhw’n arfer ei wneud yn y dolydd gwair ers lawer dydd.

Mae llawer o’r planhigion a gofnodwyd yn nodweddiadol o hen ddolydd sefydlog ac maen nhw’n cynnwys rhywogaethau fel cnau daear, crydwellt, milddail a’r gribell felen. Cofnodwyd pum rhywogaeth o degeirian ar y safle – tegeirian porffor y gwanwyn, y tegeirian brych, y tegeirian dwysflodeuog, tegeirian y waun a’r tegeirian gwenynnog, er bod y ddwy olaf yma’n brin.

Mae yna blanhigion dŵr sy’n brin yn lleol, a phoblogaeth bwysig o gen a mwsoglau hefyd.

Pryfed

Am fod yna gymaint o flodau gwyllt, mae yna amrywiaeth eang o bryfed hefyd, ac yn arbennig gloÿnnod byw.

Mae’r gloÿnnod byw yn cynnwys y glöyn gwyn cleisiog, yr iâr fach dramor, yr iâr fach felen, yr adain garpiog, y porthor, y glesyn cyffredin a melyn y rhafnwydd.

Glaswelltir

Mae’r blodau gwyllt yn ffynnu diolch i’n dull mosaig newydd o dorri gwair. Mae’r newid arloesol hwn i’r ffordd rydym yn rheoli ein glaswelltir SoDdGA nid yn unig yn edrych yn brydferth ond mae’n ymddangos hefyd ei fod yn cael effaith ddramatig ar bob agwedd ar ecoleg Llys-faen a Llanisien.

Mae’r ateb soffistigedig hwn wedi’i gytuno rhwng Dŵr Cymru, Cyfoeth Naturiol Cymru a Chyngor Caerdydd, ac rydym eisoes yn gweld canlyniadau gwell nag yr oeddem yn eu rhagweld. Yn ogystal â bod o fudd i’n peillwyr lleol, mae llawer o’n rhywogaethau glaswelltir pwysig yn cael cyfle nawr i flodeuo ac yna i hadu, gan wella’r amrywiaeth a welwn yn ein hardaloedd sy’n llai cyfoethog yn ecolegol a’u hatgyfnerthu ymhellach.

Mae’n well gan y ffwng cap ddolydd pori lle mae’r glaswellt yn fyr, ac felly mae lladd gwair yn weddol gyson yn cael effaith debyg i bori.

Uchafbwyntiau Natur a Bywyd Gwyllt

Y Coetir

Crwydrwch ein llwybrau natur yn y coetir lled-hynafol a’r coetir mwy diweddar ar y safle. Holwch am ein parth addysg a’n Hafan Bywyd Gwyllt…

• AM FANYLION •

Adar ac Adarydda

Mae’r cymysgedd o gynefinoedd coetir, glaswelltir a glan dŵr yng Nghronfeydd Dŵr Llys-faen a Llanisien yn golygu bod yr ardal hon yn gyfoeth o adar. Darganfyddwch yr adar sy’n ymgartrefu yng Nghronfeydd Dŵr Llys-faen a Llanisien.

• AM FANYLION •

Bywyd Gwyllt a Natur

Mae Cronfeydd Dŵr Llys-faen a Llanisien yn rhan annatod o seilwaith gwyrdd a glas Caerdydd ac maent o werth ecolegol bendigedig yn arbennig o ran ffwng a’r adar sy’n dod i dreulio’r gaeaf yma.

• AM FANYLION •

Ffwng

Mae argloddiau Cronfa Ddŵr Llys-faen a Llanisien o ddiddordeb arbennig am eu poblogaethau sylweddol o ffwng glaswelltir, ac yn arbennig y cap cwyr prin.

• AM FANYLION •

Pwyll Piau Hi

I’n helpu ni i amddiffyn yr holl blanhigion a phryfed yng Nghronfeydd Dŵr Llys-faen a Llanisien, cymrwch ofal wrth gerdded o gwmpas y safle.

Cadwch at y llwybrau bob amser a pheidiwch â mynd ar y glaswellt.

Cadwch draw o’r llwybrau sydd ar gau yn dymhorol.

Blodau Gwyllt