Cronfeydd dŵr eiconaidd Caerdydd
Dim ots a ydych chi’n dewis canŵ traddodiadol neu gaiac mwy ystwyth, bydd dyfroedd llonydd Cronfa Ddŵr Llanisien yn cynnig y cefndir perffaith ar gyfer eich antur padlo.
Diogelwch yw’r peth pwysicaf un, ac os nad oes gennych eich offer eich hun, gallwch logi offer gennym ni. Bydd hyfforddwyr a gofalwyr profiadol wrth law hefyd i gynnig cyngor arbenigol ac i sicrhau bod eich antur padlo’n bleserus ac yn ddiogel.
Felly dim ots a ydych chi’n hen law neu’n ddechreuwr chwilfrydig, bydd Cronfeydd Dŵr Llys-faen a Llanisien yn eich croesawu am Antur Dŵr Cymru bythgofiadwy!
Canŵs dwy sedd yw’n rhai ni, lle’r ydych chi’n eistedd ar sedd sefydlog ac yn cymryd un ochr o’r canŵ yr un i badlo, gyda phadl ag un llafn.
Cwch plastig yw caiac fel rheol ag un, dwy neu dair sedd. Rydych chi’n eich gwthio’ch hun trwy’r dŵr gan ddefnyddio padl â dwy lafn ar y naill ben a’r llall, gan badlo ar y ddwy ochr yn eu tro.
Beth bynnag yw’ch dewis, y peth pwysig yw mynd allan ar y dŵr a mwynhau!
Mae ein holl weithgareddau’n cael eu cynllunio a’u cyflwyno mewn ffordd sy’n gweithio gyda’r amgylchedd naturiol hynod fregus sydd ar y safle ac yn ei gynnal. Oherwydd hyn, rydyn ni’n cyfyngu ar niferoedd, mynediad a’r mathau o weithgareddau er mwyn sicrhau bod ein rhaglen yn cael ei chyflawni mewn ffordd gyfrifol. Os oes unrhyw gwestiynau gennych, byddai ein tîm yn hapus iawn i esbonio.
