Adfer y Cronfeydd Dŵr

Dechrau Newydd

Cyfoethogi’r Safle

Cronfeydd dŵr eiconaidd Caerdydd

Adfer ac Ailddatblygu

Mae Dŵr Cymru wedi adfer, ailddatblygu ac ailagor Cronfeydd Dŵr Llys-faen a Llanisien i’r cyhoedd gyda phwyslais ar weithgareddau hamdden a chynnal bioamrywiaeth.

Mae adfer y cronfeydd a’u dychwelyd i ddefnydd gweithredol fel y gellir eu mwynhau am ddegawdau i ddod wedi bod yn gyfle unigryw.

Mae ecolegwyr wedi goruchwylio pob cam o’r gwaith yma er mwyn lleihau effaith y datblygiad ac amddiffyn yr holl fywyd gwyllt eiconaidd – o’r ffwng cap cwyr i’r adar sy’n treulio’r gaeaf yma.

Y Gwaith Allweddol a gyflawnwyd gan Ddŵr Cymru

Clirio llystyfiant o’r ddwy gronfa

Trwsio’r wyneb cerrig y tu fewn i wal yr argae yng nghronfa ddŵr Llanisien

Trwsio ac adnewyddu’r falfiau a’r pibellau sy’n angenrheidiol i weithredu’r cronfeydd yn ddiogel

Adfer y ffens o amgylch y safle

Draenio cronfa ddŵr Llanisien er mwyn ei harchwilio’n fanwl cyn ei hadlenwi’n ddiogel

Cyflwyno trefn lladd gwaith newydd ar gyfer argloddiau’r cronfeydd er mwyn cyfoethogi’r glaswelltir ar gyfer y ffwng cap cwyr.

Ffurfio Cyfeillion Cronfeydd Dŵr Caerdydd

Cydweithio

Yn ogystal â buddsoddiad Dŵr Cymru yn yr amwynderau newydd i ymwelwyr, bu adferiad ac ailddatblygiad Llys-faen a Llanisien yn bosibl diolch i’r prosiectau a ariennir a’r gwaith ar y cyd â’r partneriaid cenedlaethol, rhanbarthol a lleol canlynol.

Y Cynllun Galluogi Adnoddau Naturiol a Lles (ENRaW)

Mae’r prosiect yma wedi cynnig gweithgareddau er lles iechyd pobl sy’n helpu i gyfoethogi amgylchedd a bioamrywiaeth y safle hefyd. Mae hyn yn cynnwys llwybrau newydd, cuddfannau adarydda, cysylltiadau â’r gymuned a chyfleoedd presgripsiynu cymdeithasol.