Path closures for approximately eight weeks due to essential maintenance work from 8 September.
Cronfeydd dŵr eiconaidd Caerdydd
Darganfyddwch eich Antur Dŵr Cymru lle mae digonedd o bethau i’w gwneud gan gynnwys nofio, padlo a hwylio. Ar agor trwy gydol y flwyddyn, mae ein canolfan ymwelwyr yn cynnwys caffi golau braf. Mae ein llwybrau cerdded a’n rhaglen digwyddiadau’n cynnig cyfleoedd addysgol i bobl o bob oedran, ynghyd â chyfle i ymgolli ym myd natur.
Mae angen cyflawni gwaith cynnal a chadw rheolaidd ar gronfeydd dŵr Llys-faen a Llanisien er mwyn helpu i gadw’r seilwaith yn ddiogel ac mewn cyflwr da.
Caiff y gwaith diweddaraf ei gyflawni mewn dau le ar ochrau dwyreiniol a deheuol Argae Llanisien o ddydd Mawrth, 8 Medi ymlaen. Rydyn ni’n disgwyl iddo gymryd tua wyth wythnos, ond gallai hynny newid yn dibynnu sut mae pethau’n mynd.
Er diogelwch ymwelwyr a’n timau wrth i’r peiriannau symud o gwmpas y safle, bydd yr ardaloedd canlynol ar gau yn ystod y gwaith:
Yr ardal picnic wrth ymyl y ganolfan ymwelwyr
Hyd cyfan y llwybr isaf, o’r tŷ cychod i lwybr Rhyd-y-pennau
Y Llwybr Stori
Gât Heol Tywi
Bydd y llwybr ar lan y dŵr o gwmpas Cronfa Ddŵr Llanisien ar agor o hyd.
Bydd y llwybr ar lan y dŵr o gwmpas Cronfa Ddŵr Llanisien ar agor o hyd. Ymddiheurwn am unrhyw anghyfleustra gan ddiolch i chi am eich amynedd.
Mae Dŵr Cymru wedi bod yn gweithio gyda phartneriaid a’r gymuned leol i greu hyb ar gyfer iechyd a lles, wrth amddiffyn a chyfoethogi bioamrywiaeth y safle.
Mae Cronfeydd Dŵr Llys-faen a Llanisien yn adnodd naturiol o bwys ecolegol sylweddol ac mae’n cwmpasu dau Safle o Ddiddordeb Gwyddonol Arbennig (SoDdGA), y naill am ei ffwng cap cwyr a’r llall am yr adar sy’n treulio’r gaeaf yno.
Mae sesiynau nofio dŵr agored yn rhan o’r rhaglen chwaraeon dŵr yng Nghronfa Ddŵr Llanisien, sy’n cynnwys hwylio, canŵio caiacio a rhwyf-fyrddio hefyd.
Mae ein canolfan ymwelwyr deulawr newydd sbon yn cynnig golygfeydd godidog dros y cronfeydd ynghyd â phrofiad bwyd neilltuol.
Cofiwch fwrw golwg ar ein bwydlenni sy’n cynnwys prydau arbennig wedi eu gwneud o gynnyrch tymhorol
• AM FANYLION •Gyda dŵr glân, dwfn, a heb lanw, Cronfa Ddŵr Llanisien yw’r lle perffaith ar gyfer chwaraeon dŵr fel caiacio, canŵio a rhwyf-fyrddio…
• AM FANYLION •Rhyddhewch yr antur sydd y tu fewn i chi, bwciwch sesiwn nofio dŵr agored nawr.
• AM FANYLION •Mae gennym lefydd parcio, cyfleusterau llogi offer, toiledau, ystafelloedd newid, canolfan addysg a chwt cychod ar y safle.
• AM FANYLION •Ar agor bob dydd gyda chaffi, ystafelloedd cyfarfod, hyb gweithgareddau, desg gwybodaeth, toiledau, storfeydd beics, parcio cyfyngedig a wi-fi am ddim…
• AM FANYLION •Mae cymysgedd o gynefinoedd coetir, gweirglodd a glan dŵr yn golygu bod yr ardal yn gyfoeth o fywyd gwyllt. Dysgwch am yr adar, y planhigion, y pryfed a’r ffwng toreithiog sy’n byw o gwmpas y cronfeydd dŵr.
• AM FANYLION •
